As concellerías de Igualdade e Servizos Sociais, Educación e Deporte poñen en marcha o campamento "Veciñeando con Lumego" para nenos de entre 6 e 12 anos
O vindeiro mércores, 26 de xuño, é o último día para inscribirse
Baixo o nome de "Veciñeando con Lumego" celebrarase o próximo campamento de verán deportivo e urbano do Concello de Porriño. Actividades deportivas e de lecer e tempo libre comparten este ano programación durante o mes de xullo. O programa está dirixido a nenos de entre 6 e 12 anos e desenvolverase en dúas quendas, do 1 ao 12 de xullo o primeiro e do 15 ao 26 de xullo o segundo, en horario de mañá, de 09.00 a 14.00 horas.
O campamento desenvolverase no polideportivo municipal e nas instalacións do colexio Fernández López e ten un custo de 50 euros. A inscripción permanecerá aberta ata o vindeiro mércores, 26 de xuño, polo que as persoas interesadas deben dirixirse ao Centro de Información á Muller (CIM), en horario de mañá, ou as instalacións da piscina, pola tarde, para formalizar a matrícula.
As actividades que realizarán os participantes van desde as artes escénicas, con representacións teatrais, de maxia e cuentacuentos, ata karaoke, excursións, talleres diversos e diversas modalidades deportivas como baile de salón, natación, bádminton, balonmano e fútbol; actividades todas elas pensadas para facer desta estadía un momento confortable e inesquecible para os máis pequenos da casa.
Con este campamento, posto en marcha conjuntamente polas concellerías de Igualdade e Servizos Sociais, Educación e Deportes, que dirixen Teresa Veloso, Ana Martínez e M. Alejandro Lorenzo, respectivamente, trátase de favorecer a conciliación da vida laboral e familiar, ademais de supoñer un espazo de deporte e lecer para os nenos participantes.
Fuente : www.concellodeporriño.net
Comparte esta esta información en tu red social favorita
|
