INAUGURACIÓN CASA CULTURAL REGO DA SALGOSA - 24 de Junio 2013

Onte, domingo 21 de xuño de 2013, qued

ou oficialmente inaugurada a Casa Cultural da Asociación Veciñal Rego da Salgosa. Despois de dous anos de obras, coa axuda do Concello, agora os veciños e veciñas de Vilar e Vilachán, terán á súa disposición un novo centro onde celebrar as súas reunións e actividades culturais e de ocio.

Ao acto asistiron veciños de Vilar e Vilachán,comisión directiva da A.V. Rego da Salgosa, e autoridades locais (alcaldesa de Tomiño, Sandra González; concelleira de Cultura, Cristina Martínez, e outros membros do goberno).

O presidente da Asociación Veciñal Rego da Salgosa, Manuel Calzado Domínguez, agradeceu especialmente o investimento realizado polo Concello para a restauración da obra, e lembrou as orixes da que foi durante moitos anos, casa dos mestres "que nos ensinaron a ler e escribir e a encamiñar a vida de case todos os aquí presentes".

Calzado referiuse tamén á función dunha asociación veciñal, que "debe servir para unir ás persoas, representar aos veciños, alertar aos organismos competentes sobre ás necesidades que aqueles poidan ter". O presidente da asociación Rego da Salgosa asegurou, asemade,
ue nas actividades da nova casa cultural, terán moi presente á mocidade, "ensinándolle a valorar a historia e os costumes, pois non entendemos un futuro sen pasado".

A alcaldesa, pola súa banda, manifestou a súa satisfacción por ter colaborado dende o goberno local, cun proxecto que permitirá ter aos veciños e veciñas da zona, un lugar de encontro, unión e convivencia.

El Tiempo